SEO in Hindi [SEO Kya Hai?] Step by Step Tutorial Ke Sath

Aaj main aapko btaunga SEO in Hindi (SEO kya hai?) step by step tutorial ke sath aur isey kyu karte hain 🤔

SEO in Hindi

What is SEO in Hindi (SEO Kya Hai)

Search Engine Optimization (SEO) ek technique (yaa method) hai jiska istemal karke website ko search engines ke liye optimize karte hai, badhiya aur jyada maatra me traffic paane ke liye organic search results se.

Search Engine Land ke according SEO ki definition hai:

SEO stands for “search engine optimization.” It is the process of getting traffic from the “free,” “organic,” “editorial” or “natural” search results on search engines.

SEO ko “search engine optimization” kehte hain aur yeh ek process hai search engines ke dwara traffic (visitors) paane ki “free”, “organic”, “editorial” yaa “natural” search results se.

Example: aapne koi keyword Google me search kiya to uske aapko laakho search results milenge lekin aap sirf unhi websites par visit karenge jo top pages par rank hongi, kyonki aap jo information dhoond rahe hain wo aapko first page par jo sites listed hain unhi se hi mil jayegi, isliye Google ke top pages par rank karaane ke liye hum SEO karte hain.

Jo search engines se traffic aata hai usey hum Organic Traffic kehte hain yaani ki free traffic aur organic traffic ki anya traffic se jyada value hoti hai matlab organic traffic jyada convert hota hai auro traffic sources se.

Aaj ke samay me SEO apne aap me ek bahut hi bada business ban chuka hai Internet ki duniya me.

Business owners lakho rupaye kharch karte hain apni website ko SERP’s (search engine results page) ke first page par rank kraane ke liye to isi se hi andaja laga lijiye agar aap SEO ki mastery kar lete hain to aap freelancing karke acha khaasa paisa bhi kamaa sakte hai  🤑

SEO karna bahut hi asaan hai jitna abhi aapko padhne me kathin lag raha hoga par utna hai nahi, isme aapko jarurat hai to sirf practice karne ki, uske liye main aapko suggest karunga Google ke Blogger platform se blog bnakar aap practice karna start kijiye, aasaan hai 🤓

SEO 2 Types Ke Hote Hai-

  1. On-Page SEO
  2. Off-Page SEO

On-Page SEO-

On-Page ke naam se hi pta chal gya hoga, apne blog ko Google ke according optimize karna, isme title, meta description, content length, content quality, site loading speed, etc. ko On-Page SEO kehte hain.

Kuch important On-Page SEO tips-

Optimize title: title me keywords ka hona + “2018”, “best”, “guide”, “tutorial”, “review” jaise words ko title me add karne se CTR bhi badhta hai.

Meta description: achha description likhe isme aapko btana hai aapki post kis baare me hai 160 characters ke andar, isme bhi targeted keywords ko likhna na bhule.

Optimization of images (compress): images ko upload karne se pehle compress karna yaa agar aap WordPress istemal kar rahe hain to main aapko 2 plugins recommend kruga, in dono me se koi ek install kar le, “Smush Image Compression and Optimization” yaa “Compress JPEG & PNG images“.

Alt tags in images: images se relevant alt text likhe, image me dekhiye.

Alt Text in Images

Quality & length of content: yeh sabse important part hai, jis topic par likhne jaa rahe hain usey Google par ek bar search karke first top 3 results ko dekhe aur unse better content create kare (better ka matlab likhne se pehle puri research kare sath me relevant images aur videos bhi daale aur content ki length ko bhi najar me rakhte huye minimum 2000 words ki post to likhe) jis se log jo search kar rahe hain aapka content padhkar puri tarah se satisfied ho jaye.

Internal links: jarurat padne par related posts ko interlink jarur kare, achhe tarike se samjne ke liye aap Wikipedia website ko example ke taur par dekh sakte hain unhone webpages ko interlink kaise kiya huya hai.

Outbound links: content create karne par aapne kahi se koi information li to usey link karna na bhule aisa karne se SERPs me ranking increase hoti hai, dhyaan rahe sirf relevant sites ko hi link kare, minimum 1-3 outbound links include kare har 1000 words content me.

H1, H2, H3, H4… heading tags: H1 heading ko page me ek bar hi use kiya jata hai aur WordPress me yeh pehle se hi post ke title me aa jata hai isliye jab bhi WordPress me article likhe to H2, H3 aur H4 headings ka jyada use kare.

Heading Tags SEO

Website loading speed: yeh bhi ek bahut bada ranking factor hai apni website ko kam se kam samay me load hone ke liye optimize kare jaise web hosting achhi chune, WordPress me cache plugin ka istemal kare, images ko upload karne se pehle resize aur compress jrur kare, theme lightweight chune aur agar ho sake to CDN ko bhi use kare.

Yeh bhi jarur dekhe: 15 Badiya Free Blogger Templates Blogspot Blog Ke Liye yeh sabhi fast loading aur SEO friendly templates hai jo ki aap apne Blogger blog par apply kar SERPs me achhi ranking paa sakte hain 😇

Mobile friendly responsive design: iske liye apne blog par mobile friendly theme install kare, vaise to aaj kal har koi theme responsive design ke sath aati hai phir bhi main suggest karunga theme install karne se pehle usey har ek platform (computer, tablet, mobile phone) par test jrur kare.

Clean permalink (URL slug): permalink me sirf aur sirf keyword jo target kar rahe hain usey likhe, short & sweet.

Permalink URL Structure

Use of LSI keywords in content: “Latent semantic indexing keywords” ye wo keywords hai jo Google ko yeh btata hai ki post kis topic par hai, LSI keywords aap jab Google par kuch search karte hain to uske related keywords aapko neeche mil jayenge, aur in related keywords me se koi 4-5 apni post me include kar de natural way me.

Latent Semantic Indexing Keywords

Easy to navigate & good site structure: theme achha select kare, TruHindi par main Genesis framework ke sath Eleven40 Pro child theme istemal kar raha hun yeh mujhe sabse simple aur easy to navigate theme lagi.

Posts ko categories me organize kare, recent posts aur popular posts widget bhi sidebar me lgaye is se page views increase aur bounce rate decrease hota hai jo ki yeh bhi ek ranking factor hai.

Aur achhe se On-Page SEO ke baare me janne ke liye aap Backlinko ki post read kare isme infographic ki madad se aap bahut achhe se samajh jayenge.

Off-Page SEO-

Off-Page SEO (isey Off-Site SEO bhi kehte hain) website ke bahar website ko SERPs ke liye optimize karna. Jaise backlinks bnana, social share, etc., ek tarah se bol sakte hai apni website ko Internet ki duniya me promote karna.

Kuch important Off-Page SEO tips-

Search engines me website ko submit karna: Google, Bing aur Yandex ke webmasters tool me site ko submit karna matlab sitemap file ko upload karna jis se aapki site search engines me proper index ho.

Guest post: Apne blog se related top (authority) blogs par guest post karna badle me aapke blog ka promotion ho jayega jis se readers increase honge aur 1-2 backlinks bhi mil jayegi.

Blog commenting: ek list bana le apne blog se related blogs ki aur jab kabhi un blogs par new post published hoti hai to sabse pehle comment kare, is se ek to Bloggers se connection banta hai aur sath me referral traffic bhi aata hai.

Social media sharing: sabhi social networking sites par apne blog ki profile bnaa le aur apne blog ki link add kare sath hi sath har nayi post bhi share karte rahe.

Social bookmarking sites: Google par “dofollow social bookmarking sites list” search karne par aapko bahut si websites ki list milegi jaha par aap register kar apne blog ko add karke kaafi saari backlinks bnaa sakte hain free me.

Directory submission: iske liye bhi Google par “best blog directory submission sites” search kare aur apne blog ko submit kar de, sabhi par na karke sirf popular blog directory sites par hi submit kare.

Ques/Ans websites: Quora aur Yahoo answers jaisi websites par account bnaa le aur apne blog se related topic par koi question puch kar madad maang raha hai to usko thodi information dene ke baad apne blog post ki link add kar de puri information paane ke liye, links jyadatar aapko nofollow milenge par referral traffic kaafi achha khaasa aayega.

Video dekhe SEO tutorial in Hindi ki-

#Bonus- how I do Keywords Research for SEO-

Sabse pehle hum jaanege keyword research kaise karte hain kyonki bina koi keyword target kiye aap achhi ranking nahi paa sakte.

Hume dekhna hoga log sabse jyada Google me kya search kar rahe hain tabhi hum us keyword ke according article likhenge aur search engines ke liye optimize karenge.

Agar aap Chrome browser istemal kar rahe hain to ek extension jo ki Keywords Everywhere hai install kar lijiye.

Sign up karne ke bad aapke email inbox me ek mail aayega jisme API key ki link hogi usey open karne ke bad aapko API key milegi jisko aap ne select karke copy karna hai.

Ab Chrome browser ke top right corner me aapko Keywords Everywhere ka chota sa icon dikh raha hoga uspe right click kare, right click karne ke bad options par click kare, isme API key ka sabse upar column hoga usme ctrl+v dbakar API key ko paste kar de aur validate button ko dba de.

Firefox users ke liye bhi yeh Add-On aapko mil jayega.

Is Keywords Everywhere tool ki madad se hume ye pta chalta hai ki keyword ki search volume kitni hai (matlab ek mahine me log ek keyword ko kitni bar search karte hain) ye keyword tool bilkul free hai aur iski isi vajah se yeh mera favorite tool hai 🤩

3 aur websites ko apne browser me bookmark kar lijiye ctrl+d dbakar, jinka main istemal karta hun keyword research ke liye.

  1. https://lsigraph.com/
  2. https://neilpatel.com/ubersuggest/
  3. https://lsikeywords.com/

Next Step-

lsigraph.com ko apne browser me open kare.

(Isi post ko as a example lekar aapko bta raha hun maine isey Google ke liye kaise optimize kiya taaki aap asaani se samjh sake).

Mere mind me ye topic aaya SEO ke bare me likhu jo ki maine pehle kabhi nahi likha iske bare me.

Google me thodi research karne ke bad 2 keywords mere dimaag me aaye “SEO in Hindi” aur “SEO kya hai?”.

1. To maine LSIGraph me “SEO in Hindi” likhke enter button dbaya. (aap UberSuggest aur LSIkeywords bhi iski jagah istemal kar sakte hain, jo aapko thik lage)

LSIGraph.com LSI Keyword Generator Tool

2. Mere samne ye keywords ki list aayi.

LSI Keywords List

In sabhi keywords ko aap copy kar len, hume dekhna hai inki search metrics kitni hai keywords everywhere extension se.

3. Chrome/Firefox Browser me upar right corner me aapko ek icon dikh raha hoga uspe click karne par ek option aayega “Bulk upload keywords” ispe click kare.

Keywords Everywhere Chrome Extension

4. Keywords jo copy kiye the unhe yaha paste karke Get Metrics button ko click kar de.

Search Metrics

5. Aapke saamne keywords ke sath-sath unki search metrics bhi malum padegi, ab jo-jo keywords aapne target karne hai according to your article unhe select karke separate text file me likh le.

Keyword Research

6. Jo keywords aapne select kiye unhe fir se keywords everywhere extension me upload karke search metrics dekhenge.

Yeh hain wo keywords ki list jo main target kar raha hun is post me 😎

  • seo in hindi
  • seo tutorial in hindi
  • seo kya hota hai
  • seo tutorial in hindi pdf
  • seo in hindi pdf
  • learn seo step by step in hindi
  • seo training in hindi
  • seo in hindi tutorial
  • seo in hindi language
  • what is seo explain in hindi
  • seo for hindi websites

SEO in Hindi Keywords List

In sabhi keywords ko combine karne ke bad 1560 search volume banti hai, matlab 1000-1500 visitors main expect kar sakta hun monthly ke agar yeh post first page aur first position par rank ho jaati hai to.

Maine dekha hai aksar naye Bloggers ye galti kar baithte hai ki na to vo keyword research karte hai post likhne se pehle aur agar karte hai to sirf ek keyword ko hi target karenge, which is not good, minimum milte-julte 3 keywords ko target karna chahiye.

Jaise maine is post me 3 keywords target kiye hain jinki search volume sabse jyada hai aur baaki keywords ko poore content me adjust kar diya jaha jrurat thi natural way me 😉

At last, Kaisi Lagi SEO Tutorial in Hindi Post?

I hope iss post ko padhne ke bad aapko SEO kya hai? (SEO in Hindi) ke baare me achhe se pta chal gya hoga, mann me koi swaal ho yaa abhi bhi kuch doubt hai to aap humse neeche comments ke madhyam se puch sakte hain, ye bhi btana na bhule ki aapko yeh post kaisi lagi 😊.

Is SEO in Hindi post ko social media sites me share karna na bhule taaki aapke friends bhi SEO ke baare me jankari prapt kar sake, dhanyavad! & keep visiting.

42 thoughts on “SEO in Hindi [SEO Kya Hai?] Step by Step Tutorial Ke Sath

    • Jis page par aap ne link bnayi us page ki link copy karke Google me search kare “submit url” aur usme paste karke submit kar de, yeh sabse aasaan aur fast method hai backlinks index karne ka, happy blogging & keep visiting 😇

    • Website ki DA badhane ke liye aapko high authority sites se backlinks bnani padegi, iske aur bhi bahut se tarike hai vo main jald hi DA increase karne ki ek detail me post publish karuga, keep visiting.

  1. Sir meri website pr violation aaya. Tha violation ki prblm to solve ho gai h pr violation k bad se meri koi b post search me nahi aa rhi h karib 3 month ho gye h . Sir kya aap mujhe bata sakte h meri ye prblm kese solve hogi

    • Bhai abhi maine aapki website Google par search ki hai aur Google par aapki website show ho rahi hai, jo nayi posts hai unhe thoda time lagta hai Google me index hone me karib 1 week tak lag sakta hai, aap search console me sitemap ko submit kare jis se aapki website proper tareeke se index ho paye, aapko robots.txt file bhi generate karni hogi Yoast SEO plugin se aap kar sakte hain, Index ki baat kare to Search Console ko open karke Google Index me Index Status par dekhe aapko pta chal jayega kitne pages indexed hai, nahi to aap Google par yeh search karke bhi pta kar sakte hai: site:sanjutechs.com is se bhi aapko pta chal jayega. I hope aapko aapka jwaab mil gya hoga.

    • Achha In-depth content create kare, content engaging ho,
      Website ko achhi web hosting par host kare jitna kam samay me load hogi utni achhi ranking hogi,
      Theme light weight chune,
      Quality backlinks banaye relevant sites se, Guest post sabse badhiya method hai,
      Old posts ko optimize kare, aur content & nayi information se update kare,
      Trending topics par dhyan de (Google Trend ki madad se) aur sabse pehle content create karke publish kare.
      Internal linking karte rahe,
      Social media sites par actively blog posts share karte rahe,
      Sabse important apni website ko mobile friendly banaye.

      Ye thi kuch important SEO techniques, I hope aap ko in se kuch madad milegi.

      Thanks! for commenting, keep visiting 😇

  2. very nice article for the beginners. this article is very helpful and useful, everyone will get benefits after reading this article

    Thank you sharing very useful article

    Thank you

  3. wow bro great , maine bhi aap sabhi blogger se seekh kar blogging seo me kadam rakha hai . but bro lagbhag mujhe 10 month ho gaye blogging me aur seo ko bhi follow karane ka prayash karata hoon but na jane kyun mujhe accha response nahi mila . kya mujhe blogging chhod dena chahiye

    • Ji nahi, pehle to aap apni galtiya ko identify kare jo rukawat daal rahi hai aapke blog ko success hone me aur unhe sudhaare.

      Domain name ka bhi hona bahut jaruri hai ek to logo ki najro me aapki website ke prati trust badhta hai jo ki visitors readers me convert honge dusra unique domain name wali websites jaldi rank karti hai search engines me aur ye bhi ek karan hai aapko success na milne ka.

      Ek aur baat aap jaan lo minimum 1 se 2 saal lag jaate hai success milte-milte to kabhi bhi give up na kariyega aur jitna ho sake utna Internet Marketing ke baare me roj kuch na kuch seekhte rahiye.

      So, happy blogging & thank you for commenting.

Leave a Comment

This site uses Akismet to reduce spam. Learn how your comment data is processed.